ინგლისის პრემიერ ლიგის 24-ე ტურში მანჩესტერ იუნაიტედმა ოლდ ტრაფორდზე ფულემს უმასპინძლა.
მატჩში ანგარიში მე-19 წუთზე გაიხსნა. ჯარიმიდან ბრუნო ფერნანდეშის ჩაწოდების შემდეგ კაზემირომ თავური დარტყმით აიღო მეტოქის კარი. იუნაიტედმა ტაიმი 1-0 მოიგო.
56-ე წუთზე მასპინძლებმა სხვაობა ორამდე გაზარდეს. კაზემირომ ამჯერად საგოლე გადაცემა მიითვალა, მისმა თანამემამულე მატეუშ კუნიამ კი ანგარიში 2-0 გახადა.
65-ე წუთზე ფულემი ერთი ბურთის გაქვითვასთან ახლოს იყო, თუმცა ხორხე კუენკას გოლი თამაშგარე მდგომარეობის გამო არ ჩაითვალა. სტუმრებმა გოლის გატანა 85-ე წუთზე მაინც შეძლეს, რაულ ხიმენესმა პენალტი ზუსტად შეასრულა და სხვაობა შეამცირა.
კომპენსირებული დროის პირველ წუთზე სტუმრებმა უკვე ანგარიშიც გაათანაბრეს, შეცვლაზე შემოსულმა კევინმა მარცხენა ფლანგიდან ცენტრისკენ შეიწია და ლამენსს ლამაზი გოლი გაუტანა.
მიუხედავად ბოლო წუთებზე სხვაობის აღმოფხვრის და ანგარიშის გათანაბრებისა, მანჩესტერმა კონცენტრაცია მაინც მოიკრიბა და კევინის გოლიდან 3 წუთში ბრუნო ფერნანდეშის მეორე საგოლე პასის შემდეგ გამარჯვების გოლის ავტორი ბენჟამინ შეშკო გახდა.
მაიკლ კერიკის გუნდმა მნიშვნელოვანი 3 ქულის მოპოვება მოახერხა და პრემიერ ლიგაში ზედიზედ მე-3 მატჩი მოიგო.
იუნაიტედს ახლა 41 ქულა აქვს და სატურნირო ცხრილში მე-4 ადგილზე იმყოფება. თავისი მატჩი ბრენტფორდთან წააგო ასტონ ვილამ, რაც იმას ნიშნავს, რომ გუნდებს შორის სხვაობა 5 ქულა გახდა.
