როი კინმა არ გამორიცხა, რომ მანჩესტერ იუნაიტედის შედეგები უახლოეს მომავალში დაღმავალ ტრაექტორიაზე გადავა.
„მაიკლმა ეს სამსახური მიდლსბროში მიღწეული წარმატებების გამო არ მიუღია. იმიტომ მიიღო, რომ იუნაიტედს იცნობს და ასევე იმიტომ, რომ მანამდე აქ უკვე მუშაობდნენ რუუდ ვან ნისტელროი და ოლე-გუნარ სოლსკიაერი. შესაძლოა, კლუბში გაჩნდა განცდა — „მოდი, რაღაც ახალი ვცადოთ“.
რეალურად, მაიკლმა ეს პოზიცია იმ მიზეზით მიიღო, რომ სწორ დროს სწორ ადგილას აღმოჩნდა. ეს კი არ არის ის კრიტერიუმი, რომლის მიხედვითაც უნდა ინიშნებოდეს მანჩესტერ იუნაიტედის მთავარი მწვრთნელი.
რამდენჯერ გვინახავს, როგორ მოდის მწვრთნელი, ერთ-ორ თვეს კარგად მუშაობს, შემდეგ მუდმივ კონტრაქტს იღებს — და რამდენიმე თვეში უკვე აღარ არის კლუბში?
ეს უცნაურია, მაგრამ ფეხბურთის ბუნებაა. ახალმა ხმამ შეიძლება ფეხბურთელებს ორი თვით მოტივაცია მისცეს, მაგრამ თუ ვსაუბრობთ იმაზე, რომ ის მომდევნო ორი, სამი ან ოთხი წლის განმავლობაში უნდა იყოს მთავარი მწვრთნელი, პასუხისმგებელი იყოს სკაუტინგზე, წარმოადგენდეს კლუბს და კონკურენცია გაუწიოს პეპს და სხვა ტოპ-მწვრთნელებს…" — თქვა მანჩესტერ იუნაიტედის ყოფილმა ნახევარმცველმა Stick to Football-ის პოდკასტში.
