გამარჯვებულის მენტალიტეტი: ბელინგემმა ესპანიოლთან მატჩი შეაფასა

ჟოზე მოურინიოს მადრიდის რეალში დაბრუნება გამარჯვებით აღინიშნა!

სამეფო კლუბმა სეზონის სადებიუტო მატჩში ესპანიოლი სტუმრად 2:1 დაამარცხა. ანგარიში ჯუდ ბელინგემმა გახსნა, ხოლო 90-ე წუთზე გამარჯვების გოლი შეცვლაზე შემოსულმა ახალწვეულმა, კარლოს ესპიმ გაიტანა.

მენტალიტეტი და პატარა ხოსელუ

მატჩის შემდეგ Real Madrid TV-სთან საუბრისას ბელინგემმა აღნიშნა, რომ გამარჯვების მთავარი საიდუმლო ძლიერი მენტალიტეტი და მაღალი საბრძოლო სულისკვეთება იყო. მან კარლოს ესპის პატარა ხოსელუ უწოდა, რადგან ყოფილ თანაგუნდელსაც სწორედ ასე, შეცვლაზე შემოსვლის შემდეგ გადამწყვეტი გოლების გატანა სჩვეოდა.

„ვაკეთებ იმას, რასაც ბოლო 2 წელია“

ჯუდმა საკუთარ გოლზეც ისაუბრა და აღნიშნა, რომ ეს კომბინაცია ვარჯიშებზე ჰქონდათ დამუშავებული:

არდამ შესანიშნავი პასი მომცა, თანაგუნდელების მოძრაობამ კი სივრცე გამითავისუფლა. დღეს გავაკეთე ის, რასაც ბოლო ორი წელია ვაკეთებ, უბრალოდ ამჯერად გოლიც გავიტანე. ჩემთვის მთავარია, გუნდს თამაშის ყველა ასპექტში დავეხმარო, იქნება ეს შეტევა, დაცვა თუ ბურთის კონტროლი. გოლის გატანა ყოველთვის განსაკუთრებულია, მაგრამ ყველაზე მნიშვნელოვანი გუნდის წარმატებაა