გიორგი ქვილითაია ჰოლშტაინ კილში გადავიდა და კლუბთან კონტრაქტი სულ მცირე 2027 წლის 30 ივნისამდე გააფორმა.
32 წლის ფეხბურთელს საქართველოს ნაკრების მაისურით 44 მატჩი აქვს ჩატარებული. მისი ბოლო სანაკრებო შეხვედრები ივნისის დასაწყისში, რუმინეთისა და ბაჰრეინის წინააღმდეგ გამართულ ამხანაგურ მატჩებში შედგა.
გიორგის სახით ძალიან გამოცდილ, კლასიკურ ცენტრფორვარდს ვიმატებთ.
„მას აქვს შესანიშნავი ფიზიკური მონაცემები, ჰაერში თამაშის მაღალი დონე და ლიდერის თვისებები.“ - განაცხადა სპორტულმა დირექტორმა ოლაფ რებემ.
თავად გიორგი ქვილითაიაც მოუთმენლად ელის ახალ გამოწვევას:
„ძალიან ბედნიერი ვარ, რომ მომავალში ჰოლშტაინ კილის მაისურს მოვირგებ. მინდა ჩემი გამოცდილება გუნდს მოვახმარო, ავიღო პასუხისმგებლობა და დავეხმარო გუნდს გოლებით, თავდადებითა და ლიდერობით.
ავსტრიაში გატარებული პერიოდის წყალობით, აქ ადაპტაცია და კომუნიკაცია რთული არ იქნება. მოუთმენლად ველი, როდის გავიცნობ ჩემს ახალ თანაგუნდელებს, ქალაქსა და გულშემატკივრებს, რათა ერთად მივაღწიოთ წარმატებას.“
საქართველოს ნაკრების თავდამსხმელმა გასული სეზონის მეორე ნახევარი ფრანგულ მეცში გაატარა და ლიგა 1-ში 2 გოლიც გაიტანა.
რაც შეეხება ჰოლშტაინ კილს, გერმანიის მეორე ბუნდესლიგაში გუნდმა მე-12 ადგილი დაიკავა.
