ევერტონთან მიღებული ტრავმის შემდეგ, გიორგი მამარდაშვილის მდგომარეობის შესახებ, კომენტარი არნე სლოტმა გააკეთა.
"ის საავადმყოფოში გადაიყვანეს. მე როგორც მეჩვენებოდა, და ასევე მითხრეს, რომ ღია ჭრილობა იყო. ეს არ იქნება ხანგრძლივი ტრავმა, ვნახოთ, მომავალ კვირას შეძლებს თუ არა თამაშს", - განაცხადა ლივერპულის მთავარმა მწვრთნელმა.
მამარდაშვილმა ტრავმა მიიღო ეპიზოდისას, როცა მის კარში ბეტუმ გაიტანა, რა დროსაც ქართველ მეკარეს პორტუგალიელი ფორვარდის ბუცის ქაცვები პირდაპირ მუხლში მოხვდა - მედიკოსებმა ეგრევე საკაცე მოითხოვეს და მამარდა მოედნიდან გაიყვანეს.
ეს ყველაფერი 55-ე წუთზე მოხდა. ლივერის კარში კი გუნდის მე-3 მეკარე, ფრედერიკ ვუდმენი ჩადგა.
მერსისაიდული დერბი ლივერპულმა მაინც მოიგო - დამატებულ მე-10 წუთზე, ვირჯილ ვან დეიკმა 3 ქულის მომტანი გოლი შეაგდო. წითლებმა 55 ქულა მოაგროვეს, მე-5 ადგილზე არიან და სამეულს კვლავ 3 ქულით ჩამორჩებიან.
ლივერი მომდევნო თამაშს 25 აპრილს, კონფერენს ლიგის ნახევარფინალისტ კრისტალ პალასთან, ენფილდზე გამართავს - პალასს ევროტურნირის ნახევარფინალი ამ მატჩიდან 5 დღეში აქვს.
