გილოცავთ! - ასეთი შედეგი ქართულ ბილიარდს ჯერ არ ახსოვს

პოლონეთის ქალაქ კიელცეში გამართულ heyBall-ის ევროპის ჩემპიონატზე, საქართველოს ნაკრებმა ისტორიულ შედეგს მიაღწია.

ჩვენს გუნდს ტურნირზე ზურაბ წერეთელი, დავით ავაკიანი, ნოდარ ბაქრაძე და ემილ თოფჩიევი წარმოადგენდნენ. მათი კარგი თამაშის წყალობით, საქართველომ პოლონეთისა და ხორვატიის ნაკრებები დაამარცხა და ფინალის საგზური მოიპოვა.

სატიტულო მატჩში მეტოქე ჩეხეთის ნაკრები გახლდათ, რომელთანაც ჩვენებმა წარმატებას ვეღარ მიაღწიეს, თუმცა ეს ტურნირი ქართული სპორტის ისტორიაში მაინც ჩაიწერება.

ამრიგად, საქართველოს ნაკრებმა გათამაშება ვიცე-ჩემპიონის სტატუსით დაასრულა და ვერცხლის მედალს დაეუფლა, რაც ქართული ბილიარდის ისტორიაში ერთ-ერთი ყველაზე დიდი წარმატებაა.