გილოცავთ! - საქართველოს კიდევ ერთი ევროპის ჩემპიონი ქალი ჰყავს

ალბანეთის ქალაქ დურესში მიმდინარე 23-წლამდე ძალოსანთა ევროპის ჩემპიონატზე, ნათია გადელიამ ოქროს მედალი მოიგო.

86 კგ. წონით კატეგორიაში, გადელიამ ატაცში 104 კგ. დასძლია, საუკეთესო შედეგი აჩვენა და ევროპის ჩემპიონი გახდა. მისი მწვრთნელი თემურ ჯანჯღავაა.

დღეს ტურნირზე კიდევ 3 ქართველი იასპარეზებს - გურამ ვეკუა (110 კგ.), დავით კირვალიძე (+110 კგ.) და დავით დვალიშვილი (+110 კგ.).

შეგახსენებთ, მიმდინარე ევროპის ჩემპიონატზე კიდევ ერთი ქალი ჩემპიონი გვყავს - მარიამ მურღვლიანმა (86 კგ.) ატაცში 112 კგ. დასძლია და, ოქროს მედალთან ერთად, ევროპის რეკორდიც დაამყარა.

ფოტო: საქართველოს ძალოსნობის ეროვნული ფედერაცია

მარიამ მურღვლიანის რეკორდი და სამი მედალი ევროპის ჩემპიონატზე!