გიმარაეშის ტრანსფერი არსენალში - ყველაფერი გადაწყდა?

ლონდონის არსენალი და ნიუკასლ იუნაიტედი ბრუნო გიმარაეშის ტრანსფერზე საბოლოოდ შეთანხმდნენ.

მეთოფეები ბრაზილიელ ნახევარმცველში 75 მილიონს გადაიხდიან. ფეხბურთელი ესპანეთის ქალაქ ლა მანგაში მდებარე ნიუკასლის წინასასეზონო ბაზიდან უკვე გაემგზავრა, რათა ლონდონში სამედიცინო შემოწმება გაიაროს და კონტრაქტი ოფიციალურად გააფორმოს.

მხარეებმა ორშაბათის უარყოფილი შეთავაზების შემდეგ, სამშაბათს საერთო ენა გამონახეს. მიუხედავად იმისა, რომ სანდრო ტონალის ტოტენჰემში 100 მილიონად გაყიდვის შემდეგ ნიუკასლმა თავისი კაპიტნისთვისაც ძალიან მაღალი ფასი დააწესა, თავად ფეხბურთელის წასვლის ძლიერმა სურვილმა და შუამავლების აქტიურმა მუშაობამ საბოლოო თანხა შეამცირა.

აღსანიშნავია, რომ მიღებულ თანხას ნიუკასლი სრულად ვერ აიღებს, რადგან გიმარაიშის ყოფილ კლუბს, ლიონს, მოგების 20 პროცენტი ერგება.

ეს ტრანსფერი კიდევ უფრო გააძლიერებს არსენალის ნახევარდაცვას. თავის მხრივ, ნიუკასლი ცდილობს მიღებული ფინანსები სწრაფად გადაანაწილოს და მთავარი მწვრთნელის, მათეას იაისლესისთვის გამოცდილი ფეხბურთელები მოიყვანოს.