გოგონების წარმატება უეფას თასზე - მერამდენე ადგილი დიაკავა ნაკრებმა?

საქართველოს 15-წლამდე გოგონათა ნაკრებმა უეფას განვითარების თასზე გამოსვლა წარმატებით დაასრულა და ტურნირზე მესამე ადგილი დაიკავა.

გიორგი გიოშვილის გუნდმა სადებიუტო ტურნირის დასკვნით შეხვედრაში ისრაელის ნაკრებს მინიმალური სხვაობით, 1:0 სძლია. მატჩის ბედი მის მიწურულს, 87-ე წუთზე გადაწყდა, როდესაც მოედანზე შეცვლაზე შესულმა ანი გაგლოშვილმა მეტოქის კარი ზუსტად აიღო და თავის გუნდს გამარჯვება მოუტანა.

შეგახსენებთ, რომ საქართველოს ახალგაზრდულმა ნაკრებმა ტურნირზე ასპარეზობა მძიმედ დაიწყო: პირველ მატჩში გუნდი მასპინძელ სერბეთთან მინიმალური ანგარიშით, 0:1 დამარცხდა, ხოლო მეორე შეხვედრაში უელსის წინააღმდეგ 2:4 დათმო პოზიციები (სადაც ქართველთა მხრიდან დუბლი მარიამ ხვადაგიანმა შეასრულა).

მიუხედავად რთული სტარტისა, გამარჯვებით დასრულებულმა ბოლო თამაშმა გუნდს კვარცხლბეკის მესამე საფეხურზე გასვლის საშუალება მისცა.