გრილიში ტრავმის გამო მინიმუმ სამ თვეს გამოტოვებს

ევერტონის ნახევარმცველი ჯეკ გრილიში მძიმე ტრავმის გამო დიდხანს ვერ ითამაშებს.

ფაბრიციო რომანოს ინფორმაციით, დღეს ჩატარებულმა სამედიცინო გამოკვლევებმა ფეხბურთელს ტერფის სტრესული მოტეხილობა დაუდასტურა.

მოსალოდნელია, რომ მისი აღდგენითი პერიოდი დაახლოებით სამ თვეს გასტანს.

გრილიში ევერტონში მანჩესტერ სიტიდან იჯარის წესით თამაშობს, შემდგომი გამოსყიდვის უფლებით, რომელიც 50 მილიონ ფუნტად არის განსაზღვრული.

მიმდინარე სეზონში ჯეკმა ინგლისის პრემიერ ლიგაში 20 მატჩი ჩაატარა, 2 გოლი გაიტანა და 6 საგოლე გადაცემა შეასრულა. ის ევერტონის საუკეთესო ფეხბურთელია „გოლი+პასი“ სისტემით.