"ამაზე ლაპარაკს უნდა მოეშვას და მატჩები მოიგოს", — ჯერარდმა სლოტი გააკრიტიკა

ლივერპულის ყოფილმა ნახევარმცველმა სტივენ ჯერარდმა არნე სლოტის განცხადება შეაფასა.

მერსისაიდელთა მთავარმა მწვრთნელმა მარსელთან ჩემპიონთა ლიგის მატჩში გამარჯვების (3:0) შემდეგ გუნდის არასტაბილურობაზე ისაუბრა და აღნიშნა: „მეტოქის დაბალი ბლოკის წინააღმდეგ თამაშის დროს პრობლემები გვექმნება“.

ჯერარდის თქმით, სლოტმა ამ თემაზე საუბარი უნდა შეწყვიტოს:

„მან უნდა დაანებოს თავი დაბალ ბლოკებზე ლაპარაკს. მეტოქეები ლივერპულის წინააღმდეგ დაბალ ბლოკს იყენებდნენ მაშინაც, როცა მე ვთამაშობდი და ჩემამდე ბევრად ადრეც.

ეს ასეა მოწყობილი. მეტოქეები ყოველთვის ეცდებიან, ყველაფერი გააკეთონ ლივერპულის შესაჩერებლად.

მთავარი გამოსავლის პოვნაა. თქვენ გყავთ სათანადო ფეხბურტელები იმისთვის, რომ დაბალო ბლოკით მოთამაშე გუნდებთანაც მოიპოვოთ გამარჯვებები და არა ფრეებს დასჯერდეთ. ისინი საკუთარ თამაშს თქვენი სიტყვების გამო არ შეცვლიან.

ლივერპულს უკვე უახლოეს მატჩში, ბორნმუთთან, კვლავ მოუწევს დაბალი ბლოკის გატეხვა. გუნდის ლიდერებმა უნდა აიღონ პასუხისმგებლობა საკუთარ თავზე, წავიდნენ წინ და გაიტანონ გოლები, რათა მოიგონ“, — განაცხადა სტივენ ჯერარდმა.