უეფას კონფერენს ლიგის პირველ ტურში ბელგიურ სენტ-ტრუიდენთან სტუმრად განცდილი მარცხის (0:2) შემდეგ, იბერია 1999-ის მთავარმა მწვრთნელმა, ლევან კორღალიძემ მატჩი შეაფასა.
გუნდის თავკაცმა აღნიშნა, რომ წაგება ლოგიკური იყო, რადგან სწრაფმა გაშვებულმა გოლმა თამაშის გეგმა არია, ხოლო შეტევის ფაზაში კრეატივის ნაკლებობამ და შეცვლების ვერგამართლებამ მომენტების შექმნა გაართულა.
მწვრთნელმა აღნიშნა, რომ ემოციური ფონის გაქრობის შემდეგ კარგად გაანალიზებენ თუ რა შეცდომები დაუშვა გუნდმა.
კორღალიძემ მატჩზე მისულ და ტელეეკრანებთან მყოფ ქართველ გულშემატკივრებს მადლობა გადაუხადა, შედეგისთვის ბოდიში მოიხადა და განაცხადა:
გულშემატკივრებს ვპირდები, რომ საქართველოში უკეთეს ფეხბურთს იხილავენ.
შეგახსენებთ, რომ იბერია 1999-ის კონფერენს ლიგის მომდევნო მატჩს 22 ოქტომბერს, 20:45 საათზე, შვედური მიალბის წინააღმდეგ სახლში გამართავს!
ისტორიული შეხვედრის ბილეთების გაყიდვა დღეს ოფიციალურად დაიწყო და მათი შეძენა შესაძლებელია ამ ბმულზე.
