სუპერკომპიუტერის პროგნოზი - რა შანსები აქვს იბერიას კონფერენს ლიგაზე?

ანალიტიკურმა პორტალმა Opta Analyst-მა უეფას კონფერენს ლიგის 2026-27 წლების სეზონის სტარტის წინ 10 000-ჯერ გაათამაშა ტურნირის სიმულაცია.

სუპერკომპიუტერის მიერ გამოქვეყნებულ ვრცელ ანალიზსა და პროგნოზებში ქართული კლუბი იბერია 1999-იც მოხვდა.

Opta-ს ალგორითმის მიხედვით, იბერია 1999-ს ჯგუფიდან გასვლისა და ტურნირის მერვედფინალში (Last 16) გასვლის 2%-იანი შანსი აქვს. მეოთხედფინალში მოხვედრის ალბათობა 0.2%-ით განისაზღვრა, ხოლო ნახევარფინალში, ფინალსა და ჩემპიონობაში ქართული გუნდის შანსები 0%-ს უტოლდება.

სუპერკომპიუტერის მთავარი ფავორიტი ინგლისური ბრაიტონია, რომელსაც ტურნირის მოგების 43.8%-იანი შანსი აქვს, ხოლო მეორე და მესამე პოზიციებს გერმანული ფრაიბურგი (9.9%) და ფრანგული მონაკო (9.6%) იკავებენ.

შეგახსენებთ, რომ იბერია 1999-ის კონფერენს ლიგის მომდევნო მატჩს 22 ოქტომბერს, 20:45 საათზე, შვედური მიალბის წინააღმდეგ სახლში გამართავს!

ისტორიული შეხვედრის ბილეთების გაყიდვა დღეს ოფიციალურად დაიწყო და მათი შეძენა შესაძლებელია ამ ბმულზე.