იუტა ჯაზის ფორვარდი, ჯარენ ჯექსონ ჯუნიორი, დიდი ალბათობით, სეზონის დარჩენილ ნაწილს მუხლზე გადატანილი ოპერაციის გამო გამოტოვებს.
ჯექსონი ჯაზმენებს მემფის გრიზლიდან 3 თებერვალს შეუერთდა, ჩატარებული სამედიცინო შემოწმების შემდეგ, მაგნიტურ-რეზონანსული ტომოგრაფიის დროს, ჯექსონს მარცხენა მუხლზე ლოკალიზებული პიგმენტური ვილონოდულარული სინოვიტის (PVNS) წანაზარდი აღმოაჩნდა, რაც თუკი არ ამოიჭრება, სახსრების დაზიანება შეუძლია.
ამის შესახებ თავად იუტას მიერ გავრცელებული განცხადებიდან ვიგებთ, თუმცა კლუბს გამოჯანმრთელების გრაფიკზე არაფერი უწერია. სამაგიეროდ, ამერიკული პრესის ცნობით, 26 წლის ათლეტი მიმდინარე სეზონში პარკეტზე ვეღარ გავა.
All Star-ის 2-გზის მონაწილე ჯექსონი NBA-ში მერვე სეზონს ატარებს, საშუალოდ კი 18.6 ქულას, 5.6 მოხსნას, 1.9 ბლოკსა და 1.5 ასისტს აგროვებს.
