გუტი: „არბელოასთან დაკავშირებით რეალის ყველა გულშემატკივარი ერთსა და იმავეს იმედოვნებს"

რეალის ყოფილმა ნახევარმცველმა, გუტიმ, გუნდის მთავარი მწვრთნელის, ალვარო არბელოას მუშაობა შეაფასა.

მადრიდულმა კლუბმა მანჩესტერ სიტის ბარიერი დაძლია და ჩემპიონთა ლიგის 1/4 ფინალში გავიდა.

როდესაც გუნდში შუა სეზონში მოდიხარ, საქმეები კარგად არ მიდის, შემდეგ კი ტრავმების სერია გეწყება, რაც ხელს გიშლის იმუშაო ისე, როგორც გსურს... ეს ყოველთვის მოწამლული კანფეტია. თუმცა სიმართლე ისაა, რომ ის ჯერჯერობით კარგად ართმევს თავს და რეალის ყველა გულშემატკივარი სწორედ ამას იმედოვნებს — რომ მადრიდი ტიტულებს მოიგებს და არბელოა დარჩება.

კითხვაზე, იყო თუ არა მანჩესტერ სიტისთან გამარჯვება ტაქტიკური თვალსაზრისით ერთგვარი განაცხადი, გუტიმ უპასუხა:

ვფიქრობ, დიახ. მათ მეტოქე ყველა ასპექტში დაამარცხეს. არა მხოლოდ ფეხბურთში, არამედ სიამაყისა და ტაქტიკის მხრივაც. რეალის მწვრთნელს სათანადოდ არ აფასებენ, როცა ამბობენ, რომ ის მხოლოდ მენეჯერი უნდა იყოს, თუმცა გამარჯვებები მარტო გუნდის მართვის უნარზე არ არის დამოკიდებული. საჭიროა ყველაფრის სწორად გაკეთებაც, ზუსტად ისე, როგორც ამას ის აკეთებს.