გვარდიოლას პირველი კომენტარი სიტიდან წასვლის შემდეგ

მანჩესტერ სიტის ყოფილმა მთავარმა მწვრთნელმა, პეპ გვარდიოლამ კლუბის დატოვების შემდეგ პირველად ისაუბრა საჯაროდ და აღიარა, რომ წარმოდგენა არ აქვს, როგორი იქნება მისი მომავალი ნაბიჯი ფეხბურთში.

55 წლის სპეციალისტი კრუიფის ფონდის ღონისძიებას დაესწრო, სადაც ინგლისურ კლუბში გატარებული ათწლიანი პერიოდი შეაჯამა.

გვარდიოლამ მანჩესტერ სიტიში მუშაობაზე საუბრისას აღნიშნა:

ეს იყო ძალიან კარგი და მხიარული პერიოდი. წარმოუდგენელი გამოცდილება მივიღე, ვერც კი წარმოვიდგენდი, რომ იქ 10 წელს გავატარებდი.

რაც შეეხება სამომავლო გეგმებს, პეპმა მოკლედ უპასუხა, რომ ეს თავადაც არ იცის. მასთან დაახლოებული პირების ინფორმაციით, გვარდიოლა ერთწლიანი შესვენების აღებას აპირებს და საკლუბო ფეხბურთში უახლოეს პერიოდში დაბრუნება გამორიცხულია.

კულუარებში მის მომავალ სამუშაო ადგილად ესპანეთის ნაკრებსაც მოიაზრებენ, თუმცა ჯერჯერობით ოფიციალური ნაბიჯები არცერთი მხრიდან არ გადადგმულა.

მანჩესტერ სიტიში გვარდიოლას ბოლო მატჩი ასტონ ვილასთან 2:1 მარცხი აღმოჩნდა. კლუბში მის ადგილს უახლოეს დღეებში ენცო მარესკა დაიკავებს. მადრიდული გუნდის ხელმძღვანელობა კი ფანებს არწმუნებს, რომ კლუბი მწვრთნელის წასვლის მიუხედავად ტიტულების მოგებას ჩვეულ რეჟიმში გააგრძელებს.