რატომ ჩაიშალა არტეტას ოცნების ტრანსფერი

ატლეტიკო მადრიდის არგენტინელმა თავდამსხმელმა, ხულიან ალვარესმა ზაფხულის სატრანსფერო ფანჯრის წინ საბოლოო გადაწყვეტილება მიიღო.

შემტევი არსენალის მთავარი მწვრთნელის, მიკელ არტეტას მთავარი სამიზნე იყო, თუმცა ტრანსფერი არ შედგება.

ლონდონური კლუბი ალვარესით გასულ ზაფხულსაც ინტერესდებოდა, თუმცა არჩევანი ვიქტორ გიოკერეშზე შეაჩერა. მიუხედავად იმისა, რომ შვედმა ფორვარდმა არსენალს პრემიერ ლიგა მოაგებინა, მან ჩემპიონთა ლიგის ფინალში და სხვა მნიშვნელოვან მატჩებში ადგილი დაკარგა, რის გამოც არტეტას თავდასხმის გაძლიერება ისევ სურდა.

ალვარესის ყიდვას პსჟ და ბარსელონაც გეგმავდნენ, ხოლო ატლეტიკო ვარსკვლავის შენარჩუნებას ყველანაირად ცდილობდა.

ესპანური მედიის ინფორმაციით, არგენტინელს არსენალსა და პსჟ-ში გადასვლა არ სურს. მისი ერთადერთი მიზანი ბარსელონაში თამაშია, თუმცა ვინაიდან ატლეტიკო კატალონიელებთან მოლაპარაკებებს ბლოკავს, ალვარესი მადრიდში დარჩენას დათანხმდა. ის მომავალ სეზონსაც ესპანეთის დედაქალაქში გაატარებს.