ერლინგ ჰალანდმა მანჩესტერ იუნაიტედის მარცხი Snapchat-ზე აღნიშნა. მან გააზიარა ფოტო, სადაც ლიდს იუნაიტედის მიერ ოლდ ტრაფორდზე მოპოვებულ გამარჯვებას (2:1) ზეიმობს.
მანჩესტერ სიტის თავდამსხმელი ლიდსში დაიბადა, მამამისი - ალფი ჰალანდი კი სწორედ ლიდს იუნაიტედში თამაშობდა. ამ პოსტმა კიდევ უფრო გაამძაფრა მისი ყველასთვის ცნობილი ანტიპათია მანჩესტერ იუნაიტედის მიმართ.
ფოტოზე ჩანს ლიდს იუნაიტედის ფეხბურთელი, რომელიც ტელეეკრანზე გამარჯვებას ზეიმობს. კადრი, როგორც ჩანს, ჰალანდის სახლშია გადაღებული. ეს სურათი სოციალურ ქსელში ელვისებური სისწრაფით გავრცელდა. მათთვის, ვინც ნორვეგიელი ვარსკვლავის ამ იორკშირული კლუბისადმი სიყვარულის შესახებ იცის, ეს სიურპრიზი არ ყოფილა.
ოლდ ტრაფორდზე დაფიქსირებულმა შედეგმა მანჩესტერ იუნაიტედის ოთხეულში მოხვედრის შანსები სერიოზულად შეამცირა.
რაც შეეხება თავად ჰალანდს, ის ბოლო დროს ბრწყინვალე ფორმაშია. ბოლო სამ კვირაში მან უდიდესი როლი ითამაშა არსენალის, ლივერპულისა და ჩელსის დამარცხებაში. გასულ უქმეებზე, ლივერპულთან თასის მატჩში (4:0), მან ჰეთ-თრიქი შეასრულა.
