„იამალს მსოფლიოს მოგება მარტოს შეუძლია", - ვინისიუსმა მუნდიალის ფავორიტი დაასახელა

რეალის ვინგერმა, ვინისიუს ჟუნიორმა ლამინ იამალზე ისაუბრა და მუნდიალის ფავორიტიც დაასახელა.

– ვინ არის 2026 წლის მსოფლიო ჩემპიონატის ფავორიტი?

– ესპანეთის ნაკრები. ეს არის გუნდი, სადაც ფეხბურთელები დიდი ხანია ერთმანეთთან ერთად თამაშობენ. მათ ევროპის ჩემპიონატი მოიგეს და ჰყავთ ლამინი – მსოფლიოს ერთ-ერთი საუკეთესო ფეხბურთელი. ის მოედანზე ყოველთვის სულ რაღაცებს აკეთებს და არის მოთამაშე, რომელსაც მარტოს შეუძლია მსოფლიო ჩემპიონატის მოგება.

ბარსელონას ფეხბურთელზე საუბარი ყოველთვის ძალიან რთულია, არა? იმიტომ, რომ მერე გულშემატკივრები იწყებენ ლაპარაკს. თუმცა, ჩვენ მოედანზე მყოფი ფეხბურთელებით უნდა აღვფრთოვანდეთ. ხალხი ბილეთებს საუკეთესო მოთამაშეების სანახავად ყიდულობს და იამალი ერთ-ერთი მათგანია.

ადამიანები იხდიან ფულს ბილეთებში, რათა ნახონ, როგორ თამაშობს ის, მაგრამ როდესაც მოედანზე გავდივართ, რა თქმა უნდა, ნებისმიერი მეტოქის დამარცხება გვსურს, – განაცხადა ბრაზილიის ნაკრების ფეხბურთელმა Caze TV-სთან ინტერვიუში.