ბელგიის ნაკრების ფორვარდმა, რომელუ ლუკაკუმ ეროვნულ გუნდში დომენიკო ტედესკოს მუშაობა გააკრიტიკა.
ბელგიელმა განაცხადა, რომ ევრო-2024 იყო „დროის ფუჭი კარგვა“.
ტედესკო ბელგიის ნაკრებს 2023-დან 2025 წლამდე ხელმძღვანელობდა.
„კატარში, ხორვატიასთან ფრეს შემდეგ (რის გამოც ბელგია მუნდიალს ჯგუფურ ეტაპზე გამოეთიშა), ახალი მწვრთნელის თაობაზე კონსულტაცია ჩვენთანაც გაიარეს. ყველა ამბობდა: „ჩვენ ანრი გვჭირდება“. ის ჩვენს შეცდომებზე პასუხს მკაცრად მოგვთხოვდა. როდესაც მწვერვალისკენ მიისწრაფვი, არ გინდა, რომ მუდმივად გათამამებდნენ...
ტედესკოს ჰქონდა ტაქტიკური გეგმა, რომელმაც არ იმუშავა. როგორც ფეხბურთელი, ამას მოედანზევე გრძნობ. ჰკითხეთ კევინს (დე ბრუინს). შენთვის ფიქრობ: „ეს არ იმუშავებს“.
პირველსავე საწვრთნელ შეკრებაზე მე და ტიბომ (კურტუამ) მიმოვიხედეთ და ძველი გუნდიდან ვერავინ დავინახეთ. ეს შოკი იყო... რობერტო მარტინესის დროს, მატჩის წინ გასახდელში რომ შევდიოდით, კითხვა ასე ისმებოდა: „დღეს რამდენ გოლს გავიტანთ?“
ასე თამაშობ ზედიზედ ხუთი წელი. მერე კი - ბახ და სუფთა ფურცლიდან იწყებ ყველაფერს. იყო ეს სწორი მიდგომა?“ - განაცხადა ლუკაკუმ La Dernière Heure-სთან ინტერვიუში.
