გავრცელებული ცნობით, პრობლემა მოგვარდა და იბერია 1999 ჩრდილოეთ ირლანდიაში გაფრინდება.
Geo Team-ის ინფორმაციით, საქართველოს ჩემპიონმა პირველი კლასის 16-კაციანი კერძო თვითმფრინავი იქირავა, რომლითაც ბრიტანეთში 16 ფეხბურთელი გაფრინდება.
სამწვრთნელო სტაფი, სათადარიგოთა სკამის რამდენიმე მოთამაშე და სტაფის წევრები რეგულარული რეისით ბელფასტში დღის მეორე ნახევარში ჩაფრინდებიან.
ქართულმა კლუბმა რამდენიმე დღით ადრე ფრანგული კომპანია Lunagroup Charter France-სგან ჩარტერული რეისისთვის Jordan Aviation-ის თვითმფრინავი იქირავა, რომელსაც ჩრდ.ირლანდიურმა მხარემ მიღებაზე უარი უთხრა.
მიზეზად კი ის დასახელდა, რომ აღნიშნული თვითმფრინავი ადგილობრივი აეროპორტის მოთხოვნებს ვერ აკმაყოფილებდა.
იბერია 1999-მა უეფას თხოვნით მიმართა, მატჩი ერთი დღით გადაიდოს - საკითხი განხილვაშია, თუმცა მზადყოფნისთვის, კლუბი ფეხბურთელებს ახლავე გაუშვებს ჩრდილოეთ ირლანდიაში, რომ მათ დასვენებისთვის შესაძლო მაქსიმალური დრო მიიღონ.
ლარნესა და იბერია 1999-ის მატჩი 4 აგვისტოს, საქართველოს დროით 23:00 საათზე არის ჩანიშნული.
წილისყრა შედგა - ვის შეხვდება იბერია 1999 შემდეგ ეტაპზე?
