5 თებერვალს ილია თოფურიამ სოციალურ ქსელში პოსტი გაავრცელა.
"ჩემპიონი დაბრუნდა!!!" - დაწერმა ქართველმა ჩემპიონმა ინსტაგრამზე.
შეგახსენებთ, რომ თოფურიას პირადი პრობლემების გამო UFC-ში მცირე პაუზა ჰქონდა აღებული და სწორედ ამის გამო, მსუბუქ დივიზიონში დროებითი ჩემპიონის ტიტული გათამაშდა, რომლისთვის ბრძოლაშიც ჯასტინ გეიჯიმ პედი პიმბლეტი დაამარცხა.
MMA-ის ესპანელი ჟურნალისტის, ალვარო კოლმენეროს ინფორმაციით, UFC გეგმავს, რომ ილია თოფურიასა და ჯასტინ გეიჯის დაპირისპირება თეთრი სახლის ღონისძიების მთავარი ბრძოლა გახდეს.
ისლამ მახაჩევმაც დაადასტურა, რომ თოფურიასთან ბრძოლა არ გაიმართება, რადგან ქართველის შემდეგი ბრძოლა უკვე დაგეგმილია.
„თეთრ სახლში თოფურიასთან ბრძოლა ნამდვილად არ იქნება, მას უკვე ჰყავს მოწინააღმდეგე.“ - განაცხადა რუსმა მებრძოლმა Match TV-სთან.
ილიამ ბოლო ბრძოლა 2025 წლის ივნისში გამართა, სადაც მსუბუქი წონის ტიტულისთვის ბრძოლაში ჩარლზ ოლივეირა პირველი რაუნდის ნოკაუტით დაამარცხა.
