ინგლისის ნაკრებმა კონგოს დემოკრატიულ რესპუბლიკასთან 1/16 ფინალური მატჩის წინ უმნიშვნელოვანესი სიახლე მიიღო - მოედანზე გუნდის წამყვანი საყრდენი, დეკლან რაისი ბრუნდება.
BBC Sport-ის ინფორმაციით, არსენალის 27 წლის ვარსკვლავმა ტრავმა უკვე მოიშუშა და ძირითად შემადგენლობაში დასაბრუნებლად მზად არის. რაისის გამოჩენა შუა ხაზში ძველ სიმტკიცეს აღადგენს და ჯუდ ბელინგემს შეტევაში მეტ თავისუფლებას მისცემს.
თუმცა, თომას ტუხელისთვის მარჯვენა მცველების კრიზისი კვლავ უდიდეს პრობლემად რჩება. რის ჯეიმსის შემდეგ, პანამასთან მატჩში კოჭის მძიმე ტრავმა მისმა შემცვლელმა, ჯარელ კუანსამაც მიიღო. გერმანელი სპეციალისტი იძულებულია ტაქტიკური ალტერნატივები განიხილოს - ის არჩევანს უფრო შემტევ ჯედ სპენსსა და დაცვითი სტილის ეზრი კონსას შორის გააკეთებს.
