ისტორია დაწერილია - ჰალანდმა ლეგენდები ჩამოიტოვა

ერლინგ ჰალანდი მანჩესტერული დერბის ისტორიაში საუკეთესო ბომბარდირთა სიას ჩაუდგა სათავეში.

მანჩესტერ სიტის თავდამსხმელმა პრემიერ ლიგის მე-4 ტურში მანჩესტერ იუნაიტედთან გამარჯვების გოლი გაიტანა (1:0).

ეს ნორვეგიელისთვის ქალაქელების მაისურით წითელი ეშმაკების კარში გატანილი მე-9 ბურთი აღმოჩნდა.

ჰალანდმა იუნაიტედის ექს-ფორვარდ უეინ რუნისა და სიტის ყოფილ თავდამსხმელ სერხიო აგუეროს გადაასწრო, რომელთაც დერბიში 8-8 გოლი აქვთ გატანილი.

7-7 გოლი კი ერიკ კანტონასა და ფილ ფოდენის ანგარიშზეა.