ისტორიული ანტირეკორდი — „დიდი ექვსეულის“ ყველაზე წარუმატებელი მწვრთნელი

ტომას ფრანკის ხელმძღვანელობით ტოტენჰემი პრემიერ ლიგის მატჩების მეოთხედზე ოდნავ მეტს იგებს.

შაბათს ლონდონელები მანჩესტერ იუნაიტედთან 0:2 დამარცხდნენ. დანიელი სპეციალისტის თავკაცობით „დეზებმა“ ჩემპიონატში 25 შეხვედრა ჩაატარეს და მხოლოდ 7 მოიგეს, რაც საერთო რაოდენობის 28%-ია.

Planet Football-ის გამოთვლებით, ეს არის ყველაზე დაბალი მაჩვენებელი „დიდი ექვსეულის“ მწვრთნელებს შორის მას შემდეგ, რაც ეს ტერმინი დამკვიდრდა (2008 წლიდან). რეიტინგში მხოლოდ ის სპეციალისტები მოხვდნენ, რომლებმაც გუნდს მინიმუმ 10 მატჩში უხელმძღვანელეს.

ფრანკის დროს ტოტენჰემი საშუალოდ 1,16 ქულას აგროვებს, რაც ანტირეკორდია. მეორე ადგილზე რუბენ ამორიმია (32% მოგება, 1,23 ქულა მანჩესტერ იუნაიტედში), მესამეზე — როი ჰოჯსონი (35%, 1,25 ლივერპულში), მეოთხეზე — გრემ პოტერი (31%, 1,27 ჩელსიში), ხოლო მეხუთეზე — ენჯ პოსტეკოგლუ (40%, 1,37 ტოტენჰემში).

ათეულში ასევე მოხვდნენ მარკ ჰიუზი, ნუნუ ეშპირიტუ სანტუ, კენი დალგლიში, ფრენკ ლამპარდი და რალფ რანგნიკი.