მანჩესტერ სიტის თავდამსხმელმა, ერლინგ ჰალანდმა, პრემიერ ლიგის მატჩის ბოლოს გაუქმებულ გოლსა და მერსისაიდელთა ნახევარმცველის, დომინიკ სობოსლაის წითელ ბარათზე ისაუბრა.
„მართალი გითხრათ, პირველ რიგში, შერკის უბრალოდ პასი უნდა მოეცა და გავიტანდი. მეორეც — ის მქაჩავს, მერე მე ვქაჩავ, გოლს ვიტანთ, ამიტომ უბრალოდ ჩათვალეთ გოლი და ნუ მისცემთ წითელ ბარათს. თუმცა, არბიტრი ვალდებულია წესებს მიჰყვეს. მესამე — პენალტი წარმოუდგენელი შეგრძნებაა. მეოთხე — ჯიჯი დონარუმას დაუჯერებელი სეივი.
გაოგნებული დავრჩი, საოცარი მატჩი იყო და პირადად მე ძალიან დავიღალე. საფინალო სასტვენის შემდეგ დაუჯერებელი ემოციები მქონდა.
მსაჯს ვუთხარი: უბრალოდ ჩათვალეთ გოლი — ეს ყველას უნდოდა. იმედი მაქვს, სობოსლაი მაქსიმუმ ერთმატჩიან დისკვალიფიკაციას მიიღებს. მესმის, რომ წესების დაცვაა საჭირო, მაგრამ, ჩემი აზრით, ზოგჯერ საღი აზრით უნდა ვიხელმძღვანელოთ.
ნებისმიერ შემთხვევაში, წესებს პატივი უნდა ვცეთ, ამიტომ არბიტრის გადაწყვეტილებას პატივს ვცემ“, — განაცხადა ჰალანდმა.
