მანჩესტერ სიტის თავდამსხმელს, ერლინგ ჰალანდს სჯერა, რომ ქალაქელებს პრემიერ ლიგაში არსენალის გასწრება შეუძლიათ.
სიტი, რომელმაც 25-ე ტურში ლივერპული დაამარცხა (2:1), 50 ქულით სატურნირო ცხრილში მეორე ადგილზეა. არსენალი კი 56 ქულით პირველ პოზიციას იკავებს.
„ჩვენ უკვე ვნახეთ, რომ საჩემპიონო რბოლა მანამ არ სრულდება, სანამ ყველაფერი არ მორჩება. ამიტომ ახლა შხაპი უნდა მივიღო, ავტობუსში დავბრუნდე, ძალები აღვიდგინო, კარგად ვჭამო და ფულემზე ვკონცენტრირდე. წინ ჯერ კიდევ ბევრი თამაშია“, – განაცხადა ჰალანდმა წითლებთან მატჩის შემდეგ.
ქალაქელები 11 თებერვალს, ინგლისის ჩემპიონატის 26-ე ტურში, ფულემს უმასპინძლებენ.
