ისტორიაში პირველად ქართული წყვილი ჩერლიდინგის ევროპის ჩემპიონია.
საბერძნეთში ჩერლიდინგში წყვილებს შორის გამართული ევროპის ჩემპიონატი საქართველოს სპორტული დელეგაციისთვის ტრიუმფით დასრულდა.
Senior Hip-Hop Doubles-ის კატეგორიაში მოასპარეზე ლიზი ფუტკარაძისა და ნიკოლოზ ბალაძის წყვილმა ბრწყინვალე გამოსვლით ევროპის ჩემპიონის ტიტული მოიპოვა.
აღსანიშნავია, რომ საქართველოსთვის ეს კონტინენტის პირველობებზე სადებიუტო გამოსვლა იყო. ქვეყანამ ტურნირში ისტორიაში პირველად მიიღო მონაწილეობა და ასპარეზობა უმაღლესი სინჯის მედლით დაასრულა.
ტურნირზე 24 ქვეყნის წარმომადგენელი იბრძოდა.
