ითამაშებს თუ არა წიტაიშვილი ლა ლიგის პირველ ტურში?

რაიო ვალეკანომ სეზონის დაწყებამდე რამდენიმე დღით ადრე ლა ლიგაში 19 ფეხბურთელი დაარეგისტრირა.

კლუბის განაცხადს ბოლოს პელაიო დაემატა, რომელიც პირველად ოფიციალურად ჩაირიცხა პირველი გუნდის შემადგენლობაში.

რაიო ვალეკანოს ახალწვეული გიორგი წიტაიშვილი ამ ეტაპზე რეგისტრირებულ ფეხბურთელთა სიაში არ არის. ქართველ გარემარბს მოუწევს მოცდა, სანამ კლუბი მას ლა ლიგაში ოფიციალურად დაარეგისტრირებს.

რეგისტრირებულთა სიაში ასევე არ არიან რაულ დე ტომასი და ეტიენ ეტო'ო. რაულ დე ტომასის შემთხვევაში ამის მიზეზი კლუბის გადაწყვეტილებაა, რაიომ მას წინასასეზონო მზადების დასაწყისშივე აცნობა, რომ გუნდის სპორტულ გეგმებში აღარ შედის.

შესაბამისად, მისი განაცხადს მიღმა დარჩენა მოულოდნელი არ არის და მიანიშნებს, რომ თავდამსხმელი მიმდინარე სატრანსფერო ფანჯრის პერიოდში კლუბს დატოვებს.

ეტიენ ეტო'ოს შემთხვევაშიც განსხვავებული გარემოებაა. მიმდინარე სეზონში თავდამსხმელი 23-წლამდელთა კვოტით ვეღარ ისარგებლებს, რადგან მომავალ ოთხშაბათს 24 წლის ხდება.

ეს გარემოება გავლენას ახდენს როგორც გუნდში მის სტატუსზე, ისე ფეხბურთელებისთვის განკუთვნილი ადგილების განაწილებაზე.

ამავდროულად, ჯოშუა ვერტროუდი რაიო C-შია რეგისტრირებული, ისევე როგორც გასულ სეზონში.

ამრიგად, ახალი ტრანსფერებისა და რამდენიმე მოუგვარებელი საკითხის დასრულების მოლოდინში, რაიოს ამ დროისთვის ლა ლიგაში 19 ფეხბურთელი ჰყავს რეგისტრირებული (პლუს ჯოშუა).

წიტაიშვილი, რაულ დე ტომასი და ეტიენ ეტო'ო კი, სხვადასხვა მიზეზით, პირველი გუნდის ოფიციალურ განაცხადში ჯერჯერობით არ არიან.

ლა ლიგის ახალი სეზონის პირველ ტურში რაიო ვალეკანო სევილიას ესტუმრება. მატჩი დღეს 23:00 საათზე დაიწყება.