იუნაიტედი ტილემანსით ინტერესდება

მანჩესტერ იუნაიტედი ასტონ ვილას ნახევარმცველ იური ტილემანსთან აქტიურად აწარმოებს მოლაპარაკებებს.

The Athletic-ის ინფორმაციით, მხარეები უკვე კონტაქტზე არიან და ინგლისური კლუბი ბელგიელი ფეხბურთელის გადაბირებას ცდილობს. აღსანიშნავია, რომ თავად 29 წლის მოთამაშეს ოლდ ტრაფორდზე გადასვლის სურვილი აქვს.

მანჩესტერ იუნაიტედი მანამდე ატალანტას ნახევარმცველის, ედერსონის გაფორმებას ცდილობდა, თუმცა ეს გარიგება ამ ეტაპზე შეჩერებულია, რაც გუნდს საშუალებას აძლევს ყურადღება ტილემანსზე გადაიტანოს.

ბელგიელი ფეხბურთელი, რომელიც 2023 წელს ლესტერ სიტიდან თავისუფალი აგენტის სტატუსით გადავიდა ბირმინგემულ კლუბში, უნაი ემერის გუნდის ერთ-ერთ საკვანძო ფიგურად ჩამოყალიბდა.

აღნიშნული ტრანსფერი, წარმატების შემთხვევაში, მაიკლ კერიკის გუნდს ნახევარდაცვაში საგრძნობლად გააძლიერებს, თუმცა გულშემატკივრებს შორის აზრთა სხვადასხვაობაა. ზოგიერთი მათგანი სკეპტიკურადაა განწყობილი და მიიჩნევს, რომ იუნაიტედს უფრო მეტად დაცვითი სტილის ნახევარმცველი ესაჭიროება, რათა ახალგაზრდა ტალანტების, მაგალითად კობი მეინუს განვითარებას ხელი არ შეეშალოს.

კლუბებს ოფიციალური კომენტარი მოლაპარაკებების შესახებ ჯერჯერობით არ გაუკეთებიათ.