ჯერარდი ქართველს აკრიტიკებს: მამარდაშვილის პოზიციური შეცდომა?

ლივერპულის ლეგენდარულმა კაპიტანმა, სტივენ ჯერარდმა, პარიზში პსჟ-სთან განცდილი მარცხის (0:2) შემდეგ გუნდის მეკარე, გიორგი მამარდაშვილი გააკრიტიკა.

ჯერარდის აზრით, ქართველი გოლკიპერის პოზიციური შეცდომა ერთ-ერთ ეპიზოდში გადამწყვეტი აღმოჩნდა.

TNT Sports-ის ეთერში საუბრისას, ჯერარდმა ყურადღება გაამახვილა იმ მომენტზე, როცა მერსისაიდელებმა გოლი გაუშვეს. მისი თქმით, მამარდაშვილი კარიდან ზედმეტად წინ იყო გამოსული, რამაც მეტოქეს საქმე გაუადვილა.

„შესაძლოა, ის ცოტა უფრო ღრმად, საკუთარ ხაზთან ახლოს უნდა მდგარიყო. არ იყო საჭირო ასე მაღლა ამოსვლა,“ — აღნიშნა ჯერარდმა. ლეგენდარულმა ნახევარმცველმა დაამატა, რომ მამარდაშვილს ოდნავ უკან რომ დაეწია, მას მეტი შანსი ექნებოდა, ბურთისთვის ხელი აეკრა და ის ხარიხას ზემოთ გადაეგდო.

მიუხედავად იმისა, რომ კრიტიკა შესაძლოა მკაცრად ჟღერდეს, ჯერარდი მიიჩნევს, რომ ასეთ დონეზე მსგავსი ნიუანსები თამაშის ბედს წყვეტს. ახლა მერსისაიდელებს ენფილდზე რევანშის შანსი აქვთ, სადაც მომდევნო სამშაბათს განმეორებითი მატჩი გაიმართება.