ჯონ ჯონსის წასვლისა და ტომ ასპინალის გაჩემპიონების შემდეგ, ოფიციალურად დადგინდა, რომ აშშ-ს UFC-ში მოქმედი ჩემპიონი აღარ ჰყავს.
აშშ UFC-ში ჩემპიონების რაოდენობით აბსოლუტური რეკორდსმენია - ქვეყანას 73 სხვადასხვა ჩემპიონი ჰყოლია. შედარებისთვის, მეორე ადგილზე ბრაზილიაა, რომელსაც 22 ჩემპიონი ჰყავდა სხვადასხვა წლებში.
თუმცა, თუ ბრაზილიას ჩემპიონი ახლაც ჰყავს (პანტოჟა), აშშ-ს წარმომადგენელი ქამარს ამ წუთისთვის აღარ ფლობს.
ასე ნაწილდება ჩემპიონები დივიზონების მიხედვით:
უმსუბუქესი - ალექსანდრ პანტოჟა (ბრაზილია)
სუპერმსუბუქი - მერაბ დვალიშვილი (საქართველო)
ქვე-მსუბუქი - ალექსანდრ ვოლკანოვსკი (ავსტრალია)
მსუბუქი - ისლამ მახაჩევი (რუსეთი)
ქვე-საშუალო - ჯეკ დელა მადალენა (ავსტრალია)
საშუალო - დრიკუს დუ პლესი (სამხრეთ აფრიკა)
ქვე-მძიმე - მაგომედ ანკალაევი (რუსეთი)
მძიმე - ტომ ასპინალი (ინგლისი).
