ფაბრიციო რომანოს ინფორმაციით, ჟოაო კანსელო იანვრის სატრანსფერო ფანჯარაზე ალ ჰილალის დატოვებას აპირებს.
ინტერი უკვე დაუკავშირდა ალ ჰილალს შესაძლო იჯარის დეტალებზე და არკვევს გარიგების პოტენციურ სტრუქტურას. მილანელები ასევე მოთამაშის აგენტ ჟორჟე მენდეშთანაც აწარმოებენ მოლაპარაკებებს.
ბოლო 48 საათში კანსელოს სიტუაცია ბარსელონამ და იუვენტუსმაც მოიკითხეს და მხარეებს შორის კონტაქტი შედგა.
კატალონიელები ამ შესაძლებლობით დაინტერესებული არიან, თუმცა მნიშვნელოვანი საკითხია ფინანსური ფეარ პლეი, რომელიც ბლაუგრანამ უნდა გაითვალისწინოს.
ჟოაო კანსელო ალ ჰილალში 2024 წელს მანჩესტერ სიტიდან გადავიდა. პორტუგალიელს ზემოთ ჩამოთვლილ სამივე გუნდში ნათამაშები აქვს.
2017-18 წლებში ის ინტერში იჯარის წესით ასპარეზობდა, 2018-19 წლებში იუვენტუსმა ის სრულფასოვნად დაიმატა, 2023-24 წლებში კი კანსელო სიტიდან იჯარით ბარსელონაში თამაშობდა.
