ბარსელონას საპრეზიდენტო არჩევნების ოფიციალურად დარეგისტრირებულ კანდიდატს, ვიქტორ ფონტს, საკუთარ გამარჯვებაში ეჭვი არ ეპარება.
მას შემდეგ, რაც ცნობილი გახდა, რომ მან და ჟოან ლაპორტამ ხელმოწერების ბარიერი წარმატებით გადალახეს, ფონტმა მხარდამჭერებს ოპტიმისტური გზავნილით მიმართა.
„დარწმუნებული ვარ, რომ ჩვენ გავიმარჯვებთ, რომ ბარსა გაიმარჯვებს. თუმცა, ცხადია, ყველაფერი სოსიოსების ხელშია. ჩვენ ვიბრძოლებთ და ვიმუშავებთ, რომ ხმა ყველას მივაწვდინოთ, მიუხედავად იმისა, რომ არჩევნები იმ დროს ტარდება, როდესაც სხვა საზრუნავი გვიფანტავს ყურადღებას: თამაშები და გამარჯვების საჭიროება სან-მამესზე, ნიუკასლში...
მაგრამ ამ ყველაფრის ფონზე, სოსიოსებმა თვალები უნდა გაახილონ. შევამჩნიეთ, რომ ბევრი ადამიანი, რომელიც უკვე შეგუებული იყო ბედს, ამ არჩევნებში შანსს ხედავს“, — განაცხადა ფონტმა.
ფონტის თქმით, მისი საარჩევნო კამპანია ორიენტირებულია კლუბის ფუნდამენტურ ცვლილებებზე, რაც გულშემატკივრებში ახალ იმედს აჩენს.
