ფლიკი: „უფრო ხშირად თუ ვითამაშეთ ასე, ჩვენი შეჩერება შეუძლებელი გახდება"

ბარსელონას მთავარმა მწვრთნელმა, ჰანსი ფლიკმა, ესპანეთის თასის ნახევარფინალის საპასუხო მატჩში ატლეტიკოსთან გამარჯვების (3:0) შემდეგ გუნდის თამაში შეაფასა.

მიუხედავად იმისა, რომ კატალონიელებმა პირველ შეხვედრაში განცდილი მარცხის (0:4) შემდეგ ფინალში გასვლა ვერ შეძლეს, გერმანელი სპეციალისტი კმაყოფილი დარჩა ნაჩვენები ხარისხით.

„ყველა მოთამაშემ მაქსიმუმი გააკეთა და ფანტასტიკური მატჩი ჩაატარა. უბრალოდ, მეოთხე გოლი არ გავიდა, ასეც ხდება ხოლმე.

მაქვს განცდა, რომ თუ ასეთ თამაშებს უფრო ხშირად ჩავატარებთ, ჩვენი შეჩერება შეუძლებელი იქნება“, — განაცხადა ფლიკმა.

გამარჯვების მიუხედავად, მწვრთნელს ოპტიმიზმს ახალი ტრავმები უფუჭებს. ამჯერად მწყობრიდან ჟულ კუნდე და ალექს ბალდე გამოვიდნენ:

„ახალი ტრავმები გვაქვს, რაც სულაც არ მახარებს. ეს არ არის კარგი. მოგვიწევს სამედიცინო გუნდთან და ფიზმომზადების მწვრთნელებთან საუბარი — როგორ ავიცილოთ თავიდან ერთი კვირის განმავლობაში სამი ფეხბურთელის დაშავება?“ — დასძინა მწვრთნელმა.

შეგახსენებთ, რომ ბარსელონას ლაზარეთში რობერტ ლევანდოვსკიც იმყოფება.