ბარსელონას მთავარი მწვრთნელის, ჰანს-დიტერ ფლიკის მომავალი კლუბში პირდაპირ არის დამოკიდებული 15 მარტს დაგეგმილი საპრეზიდენტო არჩევნების შედეგებზე.
ჟურნალისტ ფლორიან პლეტენბერგის ინფორმაციით, 61 წლის გერმანელი სპეციალისტი კატალონიაში თავს ბედნიერად გრძნობს, უყვარს ქალაქი, კლუბი, გულშემატკივრები და მზადაა მოქმედი კონტრაქტი, რომელიც 2027 წლამდეა გათვლილი, კიდევ უფრო გაახანგრძლივოს. თუმცა, არსებობს ერთი გადამწყვეტი პირობა:
ლაპორტას ფაქტორი: ფლიკი საკუთარ პერსპექტივას მხოლოდ ჟოან ლაპორტასთან აკავშირებს და სურს, მასთან ერთად ჩამოაყალიბოს გუნდის მომავალი.
თუ ლაპორტა პრეზიდენტად ვერ აირჩევენ, ფლიკის წასვლა შესაძლებელი გახდება ან უკვე ამ ზაფხულს, ან კონტრაქტის ამოწურვის შემდეგ.
ჰანსი ფლიკმა ბარსელონა 2024 წელს ჩაიბარა და ამ დროის განმავლობაში გუნდთან ერთად ლა ლიგა, ესპანეთის თასი და ქვეყნის ორი სუპერთასი მოიგო.
