ბოლო რამდენიმე კვირის განმავლობაში მადრიდის რეალის გასახდელში არსებულ არეულობას რამდენიმე მიზეზი აქვს, მაგრამ მთავარი კაპიტნების მიერ პასუხისმგებლობისგან თავის არიდებაა.
თანაგუნდელებს შორის კონფლიქტები ყოველთვის არსებობდა, განსაკუთრებით მაშინ, როდესაც გუნდი აგებს. ადამიანები, რომლებიც ერთმანეთს არ ელაპარაკებოდნენ ან ერთმანეთს არც კი უყურებდნენ, მაგრამ ვარჯიშის ან თამაშის დროს უთანხმოებებს გვერდზე ტოვებდნენ.
ასეთ დაძაბულ სიტუაციებში გუნდის კაპიტნები ყოველთვის ერეოდნენ. მათი გამოცდილება და გავლენა ფეხბურთელებს ახვედრებდა, რომ კლუბი უფრო მნიშვნელოვანია, ვიდრე მათი პირადი საქმეები.
მისი საქციელიდან გამომდინარე, ცხადია, რომ ვალვერდე არ იყო მზად მადრიდის რეალის კაპიტნობისთვის.
დანი კარვახალიც ვერ ამართლებდა მოლოდინებს. როგორც გუნდის პირველი კაპიტანი და ვეტერანი, მას უნდა გაეკონტროლებინა გასახდელში ატმოსფერო და მოეგვარებინა შეუფერებელი საქციელი. მიუხედავად იმისა, რომ არ თამაშობდა ან არბელოასთან პრობლემები ჰქონდა, ეს მისი მოვალეობა იყო.
ამის მაგივრად, ესპანური წყაროების მიხედვით, ის ერთ-ერთი პირველი ფეხბურთელი იყო, რომელმაც ვალდებებასი ჩუამენისა და ვალვერდეს ჩხუბისას დატოვა. კლუბმა იგი მალევე მოაბრუნა, რადგან ხოსე ანხელ სანჩესის სასწრაფო შეხვედრას დასწრებოდა, ვინაიდან იქ კაპიტნის ყოფნა მნიშვნელოვანი გახლდათ.
მომხდარი ასევე ძლიერი მწვრთნელის საჭიროებაზე მეტყველებს. ისეთი პიროვნების, რომელსაც შეუძლია გუნდში წესრიგის დამყარება და ყველა ფეხბურთელისთვის, პირველ რიგში მბაპესა და ვინისიუსისთვის, კარგად ახსნა, რომ კლუბი მათ ინდივიდუალურ კარიერაზე უფრო მნიშვნელოვანია და რომ ისინი კოლექტიურ დისციპლინას უნდა დაემორჩილონ.
