კაპიტნის გადაწყვეტილება პრემიერ ლიგიდან გავარდნილ ვესტ ჰემში დარჩენაზე

ვესტ ჰემის კაპიტანმა ჯაროდ ბოუენმა კლუბთან საკუთარი მომავალი დააკავშირა და განახლებული კონტრაქტი გააფორმა.

29 წლის ბოუენი კონტრაქტის პირობების ცვლილებას დათანხმდა. წყაროების ცნობით, ახალი შეთანხმება 2030 წლამდე მოქმედ კონტრაქტს არ ახანგრძლივებს, თუმცა უზრუნველყოფს იმას, რომ ფეხბურთელი 2026/27 წლების სეზონში, როდესაც ვესტ ჰემი ჩემპიონშიფში იასპარეზებს, კლუბში დარჩება.

ვესტ ჰემი მომავალ სეზონში 14 წლის შემდეგ პირველად ითამაშებს ინგლისის მეორე დივიზიონში, მას შემდეგ რაც გასულ სეზონში პრემიერ ლიგიდან გავარდა.

კლუბი ზაფხულის სატრანსფერო ფანჯრის პერიოდში რამდენიმე ლიდერის დაკარგვის საფრთხის წინაშე დგას. ვესტ ჰემისთვის ბოუენის შენარჩუნება ერთ-ერთი მთავარი პრიორიტეტი იყო.

კლუბმა უკვე გაყიდა პორტუგალიელი ნახევარმცველი მატეუს ფერნანდეში, რომელიც 85 მილიონ ფუნტად ტოტენჰემს შეუერთდა. ასევე, სავარაუდოდ, გუნდს დატოვებს გარემარბი კრისენსიო სამერვილიც.

ბოუენმა 2025/26 წლების სეზონში ყველა ტურნირზე 42 მატჩი ჩაატარა, 11 გოლი გაიტანა და 12 საგოლე გადაცემა შეასრულა.