ტრანსფერის ღირებულება ცნობილია - ტოტენჰემმა ფერნანდეშისთვის ბრძოლა მოიგო

ტოტენჰემმა ვესტ ჰემის ნახევარმცველ მატეუშ ფერნანდეშისთვის ბრძოლა მოიგო.

The Athletic-ის ინფორმაციით, სპურსმა ვესტ ჰემს ყველაზე მაღალი შეთავაზება გაუკეთა.

გარანტირებული თანხა დაახლოებით 85 მილიონ ფუნტს (98 მილიონი ევრ) შეადგენს და 21 წლის ფეხბურთელმა გადაწყვეტილება ჩრდილოეთ ლონდონურ კლუბში გადასვლის სასარგებლოდ მიიღო.

პორტუგალიის ნაკრების ფეხბურთელით არაერთი კლუბი ინტერესდებოდა, მათ შორის მანჩესტერ იუნაიტედიც, თუმცა ვესტ ჰემმა საკუთარი შეფასების შემცირებაზე უარი თქვა და ფერნანდეში ტოტენჰემს შეუერთდება.

იუნაიტედისთვის ტრანსფერის ღირებულებაც და ფეხბურთელის ხელფასიც იმაზე მაღალი აღმოჩნდა, ვიდრე კლუბი მზად იყო გადაეხადა.

ფერნანდეში ვესტ ჰემის ერთ-ერთი გამორჩეული მოთამაშე იყო რთულ 2025/26 წლების სეზონში. მან პრემიერ ლიგაში 36 მატჩი ჩაატარა, 3 გოლი გაიტანა და 4 საგოლე გადაცემა შეასრულა.

მისი კონტრაქტი ლონდონურ კლუბთან კიდევ 4 წლით იყო გათვლილი. ფეხბურთელი კლუბს 2025 წლის აგვისტოში საუთჰემპტონიდან დაახლოებით 38 მილიონ ფუნტად შეუერთდა.

თუ ტრანსფერი ოფიციალურად დადასტურდება, ფერნანდეში ტოტენჰემის მე-4 შენაძენი გახდება ამ ზაფხულში.

მანამდე კლუბს თავისუფალი აგენტების სტატუსით ენდი რობერტსონი და მარკო სენესი შეუერთდნენ, ხოლო იან პაულ ვან ჰეკე ბრაიტონიდან 52 მილიონ ფუნტად გადავიდა.