ფილიპინების დედაქალაქ მანილაში გამართულ კარატე 1-ის ახალგაზრდულ ლიგაზე, ლევან დადეშქელიანმა ჩემპიონობა იზეიმა.
ქართველმა სპორტსმენმა შრილანკელ, უზბეკ, თურქმენ და ყაზახ კარატისტებს აჯობა, საუკეთესო შედეგი აჩვენა და ტურნირის ოქროს მედალი მოიპოვა.
"57 კგ. წონით კატეგორიაში კადეტ კუმიტეში ოქროს მედალი მოიგო საქართველოს წარმომადგენელმა ლევან დადეშქელიანმა, რომელმაც ფინალში ყაზახი ინსარ ახმადიევი 2:0 დაამარცხა.
ქართველმა სპორტსმენმა დისციპლინირებული პერფორმანსი აჩვენა, ბრძოლა სრულად გააკონტროლა და გამარჯვება მოიპოვა", - წერს დადეშქელიანზე ტურნირის ოფიციალური ვებგვერდი.
