ნიკოლოზ ბასილაშვილმა, რომის მასტერსის 1/8 ფინალურ ეტაპზე გასვლისა და ტურნირზე გამოსვლის დასრულების შემდეგ, ინსტრაგრამის პირად გვერდზე პოსტი გაავრცელა.
"მადლობა რომსა და იტალიელ გულშემატკივარს. ეს ადგილი ჩემს გულში ყოველთვის განსაკუთრებული იქნება. 4-წლიანი ტრავმებისა და ოპერაციის შემდეგ, როგორც იქნა ვისიამოვნე ჩემი თამაშით და კორტზე ყველაფერი დავტოვე. შემდეგი გაჩერება - როლან გაროსი", - წერს ბასილაშვილი.
ნიკამ რომში საკვალიფიკაციო ეტაპზე 2 მატჩი მოიგო, ძირითად ბადეში კი დანიელ მერიდა აგილარს, მსოფლიოს მე-6 ჩოგან ბენ შელტონსა და 32-ე ჩოგან ბრენდონ ნაკაშიმას აჯობა.
1/8 ფინალში ანდრეი რუბლიოვთან გამარჯვების შემთხვევაში, მსოფლიოს პირველ ჩოგანზე, იტალიელ იანიკ სინერზე გადიოდა.
მე-9 მოგება TOP 10-ში მყოფ მეტოქესთან - რომელი ჩოგბურთელები ჰყავს ნიკას დამარცხებული
