ხამეს როდრიგესმა შესაძლოა კარიერა უახლოეს თვეებში დაასრულოს.
34 წლის ნახევარმცველი ფეხბურთიდან წასვლას 2026 წლის მსოფლიო ჩემპიონატის შემდეგ გეგმავს - ამის შესახებ As Colombia-ს ჟურნალისტი, პიპე სიერა იტყობინება.
კოლუმბიელმა ვარსკვლავმა საკუთარი გადაწყვეტილების შესახებ უკვე აცნობა მინესოტას, რომელსაც მიმდინარე წლის თებერვალში შეუერთდა.
ამ სეზონში ხამესმა MLS-ში 4 მატჩი ჩაატარა, მანამდე კი მექსიკის ლიგაში ლეონის შემადგენლობაში 14 შეხვედრაში მიიღო მონაწილეობა.
კარიერის განმავლობაში ხამესს მადრიდის რეალში, ბაიერნში, ევერტონში, პორტოში, მონაკოსა და სხვა რამდენიმე კლუბში აქვს ნათამაშები.
2014 წელს ხამესი მსოფლიო ჩემპიონატის საუკეთესო ბომბარდირი და ყველაზე ლამაზი გოლის ავტორი გახდა.
