ატლეტიკოს თავდამსხმელი ხულიან ალვარესი, რომელიც ადრე მანჩესტერ სიტიში თამაშობდა, ინგლისის პრემიერ ლიგაში დაბრუნების შესაძლებლობას განიხილავს, იუწყება Teamtalk.
წყაროს ინფორმაციით, 25 წლის არგენტინელი ფეხბურთელის მიმართ ინტერესს ლონდონური კლუბები — არსენალი და ჩელსი იჩენენ, რომლებმაც უკვე გამართეს წინასწარი კონტაქტები მოთამაშის წარმომადგენლებთან პოტენციური ტრანსფერის თაობაზე.
ალვარესი უკმაყოფილოა ატლეტიკოს შემადგენლობაში საკუთარი როლით და მზად არის სხვა კლუბების წინადადებები განიხილოს.
2025/26 წლების სეზონში მან ყველა ტურნირზე 28 მატჩი ჩაატარა, 11 გოლი გაიტანა და 5 საგოლე გადაცემა შეასრულა.
არგენტინელი ფეხბურთელი ატლეტიკოში 2024 წელს გადავიდა 75 მილიონი ევროს სანაცვლოდ, დამატებით 20 მილიონი ევრო ბონუსების სახით. მანამდე ის პრემიერ ლიგაში 2022-დან 2024 წლამდე თამაშობდა მანჩესტერ სიტის რიგებში, ორჯერ გახდა ინგლისის ჩემპიონი და 2022/23 წლების სეზონში ჩემპიონთა ლიგაც მოიგო.
