დინამო თბილისის აკადემიის კიდევ ერთი ფილიალი ცაგერის მუნიციპალიტეტში გაიხსნება. სასწავლო პროცესის დაწყება გაზაფხულიდან იგეგმება.
ამის შესახებ მუნიციპალიტეტის მერ ჭაბუკი ჭაბუკიანის, დინამოს აკადემიის ხელმძღვანელ ლევან გვანცელაძისა და რეგიონულ მენეჯერ გია ისიანის შეხვედრის შემდეგ გახდა ცნობილი.
დინამო თბილისის აკადემიის ფილიალები 5 რეგიონის 30 მუნიციპალიტეტში ფუნქციონირებს - დინამოს აკადემიის მიერ გადამზადებული მწვრთნელები ბავშვებს აკადემიისვე მეთოდოლოგიით ასწავლიან, საუკეთესო მოსწავლეები კი რეგიონულ ნაკრებებსა და დინამო თბილისის მთავარ აკადემიაში ხვდებიან.
