VIDEO: შედევრი კაშიას პასის შემდეგ - ბლექმენმა ჰაკენს სუპერ გოლი გაუტანა

ევროპა კონფერენს ლიგის მე-6 ტურში, გურამ კაშიას სლოვან ბრატისლავამ შვედურ ჰაკენს შინ 1:0 მოუგო.

მატჩის ერთადერთი გოლი ულამაზესი გამოვიდა - 85-ე წუთზე, კაშიას გადაგდებული ბურთის შემდეგ, ბრატისლაველთა მარჯვენა ლატერალმა, სესარ ბლექმენმა შედევრი შექმნა, რასაც ვიდეოში ნახავთ.

27 წლის პანამელი ფეხბურთელი მიმდინარე სეზონში შესანიშნავ ფორმაშია, ბოლო ორ თამაშში ზედიზედ გაიტანა, ჯამში კი ასეთი სტატისტიკა აქვს - ყველა ტურნირზე ჩატარებულ 22 შეხვედრაში 6 საგოლე მოქმედება (3 გოლი და 3 ასისტი).

გურამ კაშიამ 90 წუთი ითამაშა, მისი გუნდი კი, მოგების მიუხედავად, კონფერენს ლიგის პლეი-ოფში ვერ გავიდა და სრულად სლოვაკეთის ჩემპიონატზე გადაერთვება.