კლასიკო სუპერვარსკვლავის ტრანსფერისთვის - ბრძოლაში ბარსაც ჩაერთო

ბარსელონა მანჩესტერ სიტის ნახევარმცველის, როდრის ტრანსფერზე მუშაობის შესაძლებლობას იკვლევს.

The Athletic-ის ცნობით, მოლაპარაკებებთან დაახლოებული წყაროები ადასტურებენ, რომ კატალონიურმა კლუბმა უკვე გამართა მოლაპარაკებები ფეხბურთელის წარმომადგენლებთან შესაძლო ტრანსფერის პირობებზე.

გავრცელებული ინფორმაციით, ბარსელონას პროექტი როდრისთვის მიმზიდველია როგორც სათამაშო სტილის გამო, ასევე იმის გამოც, რომ გუნდში ადაპტაცია მარტივი იქნება.

გასახდელში მას ესპანეთის მსოფლიო ჩემპიონი ნაკრების 8 თანაგუნდელი დახვდება: ჟოან გარსია, ერიკ გარსია, პაუ კუბარსი, გავი, დანი ოლმო, პედრი, ფერან ტორესი და ლამინ იამალი.

The Athletic-მა 24 ივლისს დაწერა, რომ როდრის ტრანსფერზე მადრიდის რეალიც მუშაობდა და კლუბი მიიჩნევდა, რომ 2024 წლის ოქროს ბურთის მფლობელთან შეთანხმების მიღწევა შესაძლებელი იქნებოდა.

მადრიდელებისთვის ფეხბურთელთან პირადი კონტრაქტის პირობების შეთანხმება პრობლემას არ წარმოადგენს, თუმცა მანჩესტერ სიტისთან სატრანსფერო თანხაზე მოლაპარაკებები ჯერ არ დასრულებულა. რეალის ინტერესი როდრის მიმართ კვლავ ძალაშია.

ამავდროულად, ბარსელონა ტრანსფერის შესაძლებლობას განსაკუთრებით აქტიურად განიხილავს მას შემდეგ, რაც ფრენკი დე იონგმა მარჯვენა მუხლის შიდა გვერდითი იოგი (MCL) გაიწყვიტა და ხანგრძლივი პერიოდით იუქმებს.

გარიგების გასაფორმებლად კატალონიელებს, სავარაუდოდ, ფეხბურთელების გაყიდვა დასჭირდებათ, რათა სახელფასო ლიმიტში ადგილი გაათავისუფლონ და ფინანსური მდგომარეობა გააუმჯობესონ.

როდრის მანჩესტერ სიტისთან კონტრაქტი კიდევ მხოლოდ 12 თვე აკავშირებს. კლუბმა იცის, რომ მის მიმართ ინტერესს როგორც ბარსელონა, ისე რეალი იჩენს.

ესპანელ ნახევარმცველს კონტრაქტის გახანგრძლივების მიმართ დიდი სურვილი ამ ეტაპზე არ გამოუხატავს.