რეალისა და ბაიერნის მატჩის მეორე ტაიმის დაწყებამდე ცოტა ხნით ადრე, ვინისიუს ჟუნიორი გვერდით ხაზთან მიიჭრა, რათა ვინსენ კომპანის შეხვედროდა.
ვინისიუსმა ბაიერნის მწვრთნელს ხელი ჩამოართვა და ჩაეხუტა.
ბრაზილიელი შთაბეჭდილების ქვეშ დარჩა კომპანიის რამდენიმე კვირის წინ გამართული გრძელი გამოსვლით, სადაც მან იგი დაიცვა და სრული სოლიდარობა გამოხატა ჯანლუკა პრესტიანისთან დაკავშირებული რასისტული ინციდენტის ფონზე.
ეს პირველი შემთხვევაა, როცა მას შევხვდი. ვფიქრობ, ვინი ისეთი უნდა დარჩეს, როგორიც არის და მას ჩემი სრული მხარდაჭერა აქვს, მიუხედავად იმისა, მეტოქე მოთამაშეა თუ არა.
ვფიქრობ, ზოგჯერ საჭიროა ისეთი ფეხბურთელები, რომლებიც ‘განსხვავებულები’ არიან. ჩვენც გვყავს ასეთი და მათი წარმატებით ვამაყობთ. ფრანკ რიბერი სწორედ ასეთი იყო მიუნხენის ბაიერნისთვის და ყველას აქვს საკუთარი აზრის უფლება.
მაგრამ არსებობს ზღვარი, რომლის გადაკვეთა არ შეიძლება და სწორედ ამიტომ მაქვს ვინისიუსის დიდი პატივისცემა.“ - განაცხადა კომპანიმ მატჩის შემდეგ.
VIDEO: ბაიერნმა ბერნაბეუზე მოიგო და მიუნხენში უპირატესობით ბრუნდება
