კოპა იტალიას ფინალური წყვილი გაირკვა

იტალიის თასის ფინალის მონაწილეები გაირკვა.

გუშინ ფინალში მონაწილეობა ინტერმა გაინაღდა, რომელმაც ორი მატჩის ჯამში კომოს (0:0, 3:2) აჯობა.

მეორე ნახევარფინალი კი ბევრად დრამატული გამოდგა - ატალანტამ და ლაციომ ორი მატჩის შედეგად გამარჯვებული ვერ გამოავლინეს (2:2, 1:1) და საქმის გარჩევა პენალტების სერიისთვის მოიტოვეს.

თერთმეტმეტრიანებში უკეთესი ლაციო გამოადგა (2-1), რომლის მეკარემ 4 დარტყმა მოიგერია და თავისი გუნდი ფინალში პირადად გაიყვანა.

ფინალური შეხვედრა ლაციოსთვის მშობლიურ სტადიო ოლიმპიკოზე 13 მაისს გაიმართება.