კრიშტიანუ რონალდუმ ალ ნასრთან ერთად მორიგი ტიტულის მოგების შანსი დაკარგა.
საუდის არაბეთის სამეფო თასის 1/8 ფინალში რონალდუს ალ ნასრი კარიმ ბენზემას ალ იტიჰადთან (1:2) საკუთარ მოედანზე დამარცხდა და ტურნირს გამოემშვიდობა.
გუნდში გატარებული თითქმის 3 წლის შემდეგ, რონალდუს ალ ნასრში 13 შესაძლოდან არცერთი ოფიციალური ტიტული არ აქვს მოგებული.
ერთადერთი წარმატება, რომელსაც კრიშტიანუმ ერ-რიადის გუნდში მიაღწია - არაბული საკლუბო ჩემპიონების თასია, რომელიც ამხანაგურ ტურნირად მიიჩნევა.
ყველაზე ახლოს ტიტულთან რონალდუ საუდის არაბეთის სუპერთასზე იყო, სადაც მისმა გუნდმა ფინალი პენალტების სერიაში ალ აჰლისთან წააგო.
