უნგრეთის დედაქალაქ ბუდაპეშტში მიმდინარე კრივის 23-წლამდელთა ევროპის ჩემპიონატზე, საქართველოს ნაკრებმა 3 მედალი გაინაღდა.
გორ აივაზიანმა (55 კგ.), ჰურამან კასუმოვამ (57 კგ.) და ლუკა ნიქაბაძემ (70 კგ.) 1/2 ფინალური ეტაპის საგზურები მოიპოვეს, რითაც ოქროს მედლისთვის ბრძოლას აგრძელებენ და მინიმუმ ბრინჯაოს მედალი აქვთ გარანტირებული.
ჩვენი გუნდის მთავარი მწვრთნელი ბეჟან ჭიჭინავაა, ხოლო მწვრთნელი - ილია ტლაშაძე.
ევროპის ჩემპიონატი ბიჭებისა და გოგონების კატეგორიის 10-10 წონაში მიმდინარეობს - ჩვენი გუნდი ტურნირში 8 მოკრივით ჩაერთო.
გათამაშება 29 ნოემბერს, ფინალური ბრძოლებით, დასრულდება.
